شعر بالعامية (البيت بيت ابونا)

البيت بيت ابونا والغرب بيطردونا
يااخواننا ايه الحكاية ايا عالم الحقونا
قال ايه جاي بيحميني
من اخويا وابن عمي
وبيضحك ضحكة صفرا
قاعد يفور في دمي
وفلوس وحلول جديدة
زودت عليا همي
الخيبة بقت تقيلة
دي خبيتنا وخيبة ابونا
البيت بيت ابونا والغرب بيطردونا
يا خواننا ايه الحكاية اياعالم الحقونا
جايب معاه الحضارة
وكلام على الشاشات
علم ابني الخيابة
والقاعدة بالساعات
ساب اصله وهج بيته
ودايرلي ورا البنات
افكاره بقت غريبة
من جوة بيخربونا
البيت بيت ابونا والغرب بيطردونا
ياخواننا ايه الحكاية ايا عالم الحقونا
عارف انك عايزني
مستني فرصة تانية
لو عيني نامت صدفة
حلاقيك عندي في ثانية
بس انا بقى مش هاممني
ماهو اصل الدنيا فانية
ولو رجلك خطت عندي
راح تاخد الصابونة[/center]
[/center][center]

يعطيك الف عافية

اخي العزيز

تحياتي الك

وننتظر المزيد من قلمك الرائع